KFC Double Decker

Nagkayayaan na namang kumain sa labas.  May bago kasi ang KFC at nasasabik din kaming masubukan iyon.  Ayan in-order namin itong KFC Double Decker na may kasamang 1 basong inumin at 1-piece chicken (na may kasamang kanin).  KFC Double Decker Fully-Loaded Meal ang tawag sa set na iyon.  Ang halaga noon ay 215 piso.

Yung asawa ko talaga ang nakakain ng karamihan nun, naka-2 o 3 kagat lamang ako.  Ang pinakanatatandaan kong lasa ay yung bacon at keso.  Kung bakit nga naman napakasarap ng bacon at keso na pinagsama sa sandwich.  Tapos kumpleto pa ito sa kasamang gulay at dressing.  Yung lasa ng manok, parang di nalalayo sa manok ng kanilang Chik'n Fllet Sandwich.  Kaunting kagat lang ako dito dahil um-order din kami ng KFC BBQ Rods na siya talagang kinain ko.