Carrot Cupcake

Mahilig mag-bake ang nanay ko, at ito ang kanyang pinakabagong natutunang gawin.  Ipinagsaliksik ko siya sa internet kung paano ginagawa ang carrot cake.  Sarili niyang desisyon na gawin itong cupcakes.  Masarap ang kinalabasan at ang nakakatuwa dito, gustong-gusto din ito ng 3 taong gulang kong anak.  Ngayon nakakampante ako na kahit di niya kainin ang carrot sa ulam namin, makakakain naman siya sa ganitong cake.  Totoong carrot ang sangkap nito, at kaugnay nito, hindi pa ako nakakakita ng artificial flavoring na carrot.