Cookies Say...Cookie Is Best

Dalawang beses na pala akong nakakuha ng "cookie is best" na sulat. Pero ang galing! Tig-isa sa parehong flavor!

posted from Bloggeroid

Cookie Says... You're Unique

Talagang nakakalakas ng loob ang mga salitang iyan. Kung isasalin ko iyan sa wikang Filipino, ang sinasabi niyan ay "Ika'y kakaiba." Pangsuporta sa mga salitang iyan ang "wala kang katulad."

posted from Bloggeroid

Cookie Says...Jump for Joy

Sa kuhang ito, nakapatong yung biskwit da avocado. Ang dami na kasing ugat ng avocado na iyan at ayokong maramdaman ang mga ugat na yun habang kumakain kaya sinabayan ko ng biskwit.

posted from Bloggeroid

Cookie Says...Study Hard

Totoo yan! Sana maintindihan ng mga estudyante yan ngayon. Ako kasi nung estudyante pa ako, nag-sta-study hard ako pero nagpapaistorbo pa rin ako sa barkada! Nung nagkatrabaho na ako, marami pa rin palang oras para sa good time kaya pwede sana mas binawasan ko pa yung pagpapaistorbo ko sa mga gimik ng barkada para mas mataas sana ang grades na nakuha ko.

posted from Bloggeroid

Cookie Says...Share The Love

"Double peanut butter" daw ang biskwit na ito kasi peanut butter ang lasa ng mismong biskwit at ganun din ang palaman nito.

posted from Bloggeroid

Cookie Says...

Nakakatuwa naman itong biskwit na ito. Merong mababasa sa mga "mukha" nila. Minsan parehong meron pero kadalasan yung "logo" lang ng Lemon Square ang nasa kabila.

posted from Bloggeroid

Fruit Bump Level 620

Sampung minuto ang oras na nakalaan para malaro ang antas na ito. Sa ngayon, huling antas na ito ng Fruit Bump. Ang tagal ko na nga hinihintay kung magkakaroon pa ng kasunod na mga antas. Nag-update ito kamakailan lang pero wala pa ring kasunod, nananatiling ito ang huling antas. Nakakasabik din ang antas na ito pero minsan nakakainip din kasi medyo mahaba pa ang oras (minsan kasi pag nakakainip na siyang laruin, pasikretong umaasa ako na maabutan na lang ako ng oras para matapos na ang laro). Medyo mahirap ituwid ang mga panandang pananong lalo na yung mga nakatago sa kabibe at kapwa nilang kahon. Mas mainam kung makakabuo ng pulang bato at idikit yun sa baso para maraming sumabog at makasingit doon sa mga nakatagong "puzzle pieces." Kapag nabasag na sila, lalabas ang mga tinatago nilang alimango na matatamaan lang kapag sila ay nakabukas. Dalawang beses sila dapat masabugan para sila ay maglaho. Ganun din ang kailangan para mawala ang mga kabibe. Ang "starfish" din ay hindi rin nawawala sa isang sabog lang. Kelangan talaga dito na madalas makabuo ng mga pampasabog.

posted from Bloggeroid

Hostess Sno Balls

Para siyang Choco Mallows pero sa halip na tsokolate ang nakabalot sa kabuuan niya ay niyog. Tapos wala siyang biskwit na malutong, puro mga malambot lang. Ang tamiiis syempre.
posted from Bloggeroid

Fruit Bump Level 619

Gaya nung level 618, 7 minuto din ang time limit sa paglalaro nito. Kahit ilang moves o tira, pwede dito. Nakakasabik din kasi yung mga starfish basta basta na lang tumatalon, tapos yung corals palago din nang palago hanggang sa di mo na namamalayan ang sikip sikip na!

posted from Bloggeroid

Fruit Bump Level 618

Sa ngayon ito ang paborito kong level. Pitong minuto ang time limit nito. Nasasabik ako dito kasi ang daming kalaban. Gusto ko rin yung pakiramdam na marami akong napasabog lalo na kapag masikip na sa dami ng harang na yelo, sapot, at pader tapos mauubos sila sa mga pasabog.

posted from Bloggeroid

Kenny Rogers Roasters Take-out Cup

Na-cute-tan lang ako kaya naisip kong itala ito. May mga salitang nskasulat sa basong ito na may kinalaman sa inumin (hindi naman sa mismong inumin na nakalagay dito, kundi sa salitang inumin sa pangkalahatan).

posted from Bloggeroid

Hostess Coffee Cake

Ang sarap! Pero ang tamis din :( Ngayong mga panahong ito, mas health conscious na tayo kaya pag napapasobra ang tamis o alat ng mga pagkain, para bang ginigising nito ang kamalayan natin sa mga pwedeng maging sakit sa ating katawan.

Anyways itong cinnamon streusel na ito ay malinamnam, malambot, at natutunaw sa bibig. Sa S&R kami nakabili nito. Minsan binabagsak presyo nila itong mga produkto ng Hostess hanggang mga mahigit 100 piso. Pero kung hindi,mula higit 200 hanggang higit 300 ang presyo ng mga yan.

posted from Bloggeroid

Ang Tatamis!

Gusto ko lang maisulat na minsan sa buhay ko/sa buhay ng pamilya namin ay bumili kami ng mga ito sa S&R. Yung may mga biskwit, parang mga 800 piso ang halaga. Ang unti naman ng laman ng bawat pakete, yung Chips Ahoy tsaka yung Oreo tig-5 piraso lang ang laman. Pati yung Ritz ata mga ganun lang din ang bilang ng laman. Yung graham di ko nabilang pero mas marami naman sa 5.

Yang Twinkies naman, gusto lang namin maranasan. Ilang beses na kasi namin nakita sa mga pelikula yan. Pero ang pakilasa ko sa kanya ay hindi na natural at para bang namamait na ito sa dami ng kemikal para lang magtagal ang buhay nito (preservatives).

posted from Bloggeroid

Lumpiang Presko ng Kuya J Restaurant

Masarap at kakaiba. Halos lahat ng inorder namin nung araw na yun ay masarap na putaheng pinoy pero may kurot ng lasang Thai. Pasensya na di ko kasi nailathala agad ito nung pagkatapos naming kumain para naidetalye ko kung ano yung tinutukoy kong kurot. Hindi nga lang din mura ang pagkain dito ha, babala lang.

posted from Bloggeroid

Buko Pie

Parang household name na nga ang Collete's Buko Pie dito sa Pilipinas (or at least sa Luzon). Nakakatuwa naman kasi ang dami nang mabibilhan nito. Natutuwa din ako na siksik talaga siya sa buko. Ito nga lang nabili namin, parang tumining sa tabi yung timpla (patamis) niya. Pero para sa akin ayos lang. May mga bahaging purong buko lang ang laman at lasa. Ngayong Abril 2016 namin yan nabili sa halagang halos 200 piso.

posted from Bloggeroid

Testing Uli From Bloggeroid

Minsan kumain kami ni Mister sa Kimbob sa SM City Calamba. Halos 200 pesos yang kinain naming "japchae" at "bibimbap."

posted from Bloggeroid

posted from Bloggeroid

Halo-halo 2015

Napakainit nitong tag-init 2015 sa Pilipinas kaya naman hindi namin napigilan na bumili ng halo-halo sa Chowking.  Ngayong taong ito, dalawang klase ang halo-halo nila at pareho namin silang sinubukan noong Abril 2015.  Pareho silang masarap.  Di ko masabi kung alin ang mas pipiliin ko sa kanila, magkaiba sila ng sarap.  Mahilig ako sa gatas at krema kaya hanga din ako dito sa mas bago nilang "Milky White Halo-halo."  Pero di ko pa rin malilimutan yung natikman ko sa Razon's nung 2009 na puro maputi lang din ang lahok.  Wala pa akong ibang natikman na malapit doon sa kanilang timpla.

Shakey's

 

Kuha ito noong Enero 2015. Ang binili namin ay yung isa sa mga "group meals" nila na kombinasyon na ng pizza, salad, pasta, inumin...nakalimutan ko na kung anu-ano nga bang eksaktong kasama dito.  Mahigit isang libong piso ang halaga nito at parang kasya ito para sa 4 hanggang 5 katao na hindi naman gaanong malakas kumain.  Ito lang ang nakuha kong litrato kasi gutom na ako, pati ang pamilya ko gusto na kumain.

Networld Hotel Breakfast

 

Sa tatlong araw na nag-almusal kami dito, ito lang ang nakuha kong litrato.  Hindi naman araw-araw ganito ang agahan doon, pero masasabi kong ayos lahat.  Sa akin naman kasi, kahit ano pa ang pang-almusal, basta may kape lahat sumasarap!  Kuha nga pala ito noong Nobyembre 2014.